關於 TSIM Inspection
香港驗樓界始祖詹Sir親手創立，傳承超過25年嘅專業精神， 為每一位業主嘅家把好最後一關。
公司資料
我哋嘅商業登記及合約等正式文件以 Clerks of Works Services Limited（工程監督師）為公司全名。所有驗樓服務由 TSIM Inspection 品牌名義對外提供，由詹Sir團隊親自負責。
我哋嘅故事
詹濟南（詹Sir），1988年香港理工學院土木工程系畢業，投身建築行業超過35年。佢曾參與大量住宅、商業及基建項目，深諳香港建築標準同各大發展商嘅施工水平。
2000年，當時香港冇所謂「驗樓師」呢個專業，業主收樓全靠自己。詹Sir有見及此，創立咗 Clerks of Works Services Limited（工程監督師），開創香港驗樓服務先河，首創驗樓評分制度，為業主提供客觀、公正、全面嘅物業檢驗。
2012年，詹Sir再進一步創立香港專業驗樓學會（HKPBIA），致力推動行業專業化、培訓新一代驗樓師、制定統一嘅驗收標準，令呢個行業正式由「邊個都做得」變成一個有規矩、有準則嘅專業領域。
至今，詹Sir團隊已經驗收超過 20,000 個住宅單位，多次接受 TVB、開電視、明報、經濟日報等主流傳媒訪問，並出版《驗樓王》系列書籍共6冊。
如今，詹Sir 嘅女兒 Jessica 正式接棒，以年輕專業嘅角度為新一代業主服務。我哋以 TSIM Inspection 呢個品牌名義繼續傳承呢份使命，結合豐富經驗與年輕活力，為每一位業主提供最專業嘅驗樓服務。
做人要 真誠
做事要 起勁
呢句說話陪伴詹Sir走過35年建築生涯，亦係 TSIM Inspection 團隊每一位成員嘅做事準則。
我哋嘅核心價值
專業、公正、細緻 — 呢三個字唔止係口號，係我哋每次驗樓嘅執行準則。
專業
由香港驗樓界始祖親自帶領，以學會制定嘅統一標準去執行每次驗收。
公正
我哋唔代表發展商或裝修公司，只為業主把關，以客觀獨立態度作出每一個判斷。
細緻
每個單位逐項檢查，由天花到地板、水電到喉管，務求發現所有潛在問題。
重要里程碑
詹濟南 ・ 詹 Sir
香港驗樓界始祖、TSIM Inspection 創辦人、香港專業驗樓學會（HKPBIA）創辦人。 1988年香港理工學院土木工程系畢業，2000年創立驗樓服務，累積超過25年驗樓經驗。
著有《驗樓王》系列書籍6冊，多次接受 TVB、開電視、明報、經濟日報、胡．說樓市等主流傳媒訪問。 以紅色 Polo 衫、牛仔短褲、波鞋嘅造型成為香港驗樓界嘅標誌性形象。